Viskísiglingar um Suðureyjar Skotlands

Við bjóðum 4-7 daga viskíferðir um hinar sögufrægu Suðureyjar (Inner Hebrides), sem eru úti fyrir vesturströnd Skotlands. Þarna eru uppeldisstöðvar Auðar djúpúðgu og fleiri landnema.

Á eyjunum eru framleidd þekkt viskí (single malt).

Við bjóðum fjögurra og sex daga ferð til Jura og Isley, fimm daga ferð til eyjunnar Arran og bæjarins Campbeltown á Kintyre-skaganum.

Einnig fimm daga ferð til eyjarinnar Mull og til Drimnin og Glenbeg. Í öllum ferðum eru heimsótt eimingarhús og skoðun á eimingarferlinu eða „Whisky Tasting“ nú eða bara úrvalið í „Visitor Centre-búðinni“ skoðað.

Náttúrufegurðin spilar líka stóra rullu í ferðunum.

Við tökum á móti gestum okkar á flugvellinum í Glasgow og skilum þeim þangað aftur að ferð lokinni. Fullt fæði er innifalið ásamt skoðunarferðum í eimingarhúsin.

Lágmarksfjöldi gesta er 8 í hverri ferð.

VISKÍ-VERA – 1 4ra daga ferð – 3 nætur.

Siglt til eyjanna Jura og Islay.

Tekið á móti gestum á flugvellinum í Glasgow á hádegi fyrsta dags og síðan keyrt til siglingabæjarins Ardfern, sem tekur uþb. 2,5 tíma. Áætluð koma til Ardfern er kl 15:00, og strax siglt áleiðis til Craighouse á Jura. Komið þangað að kveldi og lagst við akkeri.

Að morgni dags 2 verður Jura eimingarhúsið skoðað (skoðunarferð), en seinnipart dagsins siglt til Port Ellen á Islay. Þar rétt hjá eru þrjú eimingarhús; Laphroaig, Lagavulin og Ardbeg. Að morgni dags 3 verða  eimingarhúsin heimsótt. Að því loknu verður siglt aftur til Ardfern og tekur siglingin ca. 8 tíma. Komið þangað að kvöldi þriðja dags. Að morgni dags 4 verður síðan ekið aftur til Glasgow. Ca. 2.5 tímar.

Dagur 1 Glasgow Airport – Ardfern (mainland) – Craighouse (Jura)

Dagur 2 Jura – Port Ellen (Islay)

Dagur 3 Laphroaig – Lagavulin – Ardbeg, siglt til Ardfern

Dagur 4 Ardfern (mainland) – Glasgow Airport

Ein skoðunarferð í eimingarhús og 3 heimsóknir

VISKÍ-VERA – 3  5 daga ferð – 4 nætur.

Siglt til eyjarinnar Arran og bæjarins Campbeltown á Kintyre-skaganum.

Í þessari ferð skoðum við Arran og Lagg á Arran-eyju, (fræðingarnir segja, að maður sjái smá part af öllu sem Skotland hefur upp á að bjóða þar) og heimsækjum þrjú í Campeltown: Springbank, Glen Scotia og Glengyle. Hægt er að fara í skoðunarferð um bæinn og skoða öll gömlu, aflögðu eimingarhúsin, sem einu sinni voru. Kinyre-skaginn, var kallaður höfuðborg viskísins snemma á 19. Öldinni, þar voru um 30 eimingarhús  þegar best lét í kringum 1830, en hundrað árum síðar voru þau orðin aðeins þrjú.  Nokkra kílómetra frá Campbeltown á Paul McCartney bústað (High Park Farm). Lögin „Mull of Kintyre“ og „The Long And Winding Road“ tengjast þessum bústað beint. „Múlinn“ neðan við og „Leiðin löng“ uppeftir.

Tekið á móti gestum á flugvellinum í Glasgow á hádegi fyrsta dags, síðan ekið til Troon sem tekur u.þ.b. 1 tíma. Áætluð koma til Troon er um kl. 14:00 og þá strax siglt áleiðis til Lochranza á Arran. Komið þangað að kvöldi og lagst við akkeri. Að morgni dags 2 verður Arran eimingarhúsið  skoðað, en seinnipart dagsins verður siglt yfir til Campbeltown. Þar eru þrjú eimingarhús; Springbank, Glen Scotia og Glengyle, og að morgni dags 3 verða þau heimsótt. Síðar sama dag verður siglt til Kilmory, syðst  á eyjunni Arran. Þar er Lagg eimingarhúsið, sem verður skoðað að morgni næsta dags. Þá verður verður loks siglt til Troon, sem tekur ca. 5 tíma. Að morgni dags 5   verður síðan ekið til Glasgow.

Dagur 1 Glasgow Airport – Troon (mainland) – Lochranza (Arran)

Dagur 2 Arran – Campbeltown

Dagur 3 Springbank – Glen Scotia – Glengyle – Kilmory (Arran)

Dagur 4 Lagg – Troon (mainland)

Dagur 5 Troon (mainland) – Glasgow Airport

1 skoðunarferð í eimingarhús og 8 heimsóknir

Innifalið

• Ferðir til og frá flugvellinum í Glasgow
• Gisting um borð í tveggja manna klefum (kojur), uppbúin rúm. Allir klefar hafa sér snyrtingu.
• Fullt fæði umborð í Veru
• Skoðunarferðir í eimingarhús samkvæmt ferðalýsingu hér að ofan (ein til þrjár skoðunarferðir)

Ekki innifalið

• Flug til og frá Glasgow
• Áfengir drykkir (eru í boði um borð í Veru gegn gjaldi).